نصائح ما قبل السفر

كلنا بنحب لما نسافر نكون مخططين قبل ما نبدء رحلتنا هنعمل ايه فى البلد اللى ريحنها وهنمشى امورنا ازاي فيها بحيث اننا نقدر نستمتع على قد ما نقدر برحلتنا عشان كدا هنوضح اهم النصايح اللى لازم نحطها فى اعتبارنا قبل ما نسافر عشان نحقق هدفنا من رحلتنا وهو الاستمتاع بالرحله والبلد اللى هنروحها

• لازم يكون عندنا فكره عن شبكه المواصلات والتنقل فى البلد الى احنا ريحنها بحيث اننا نقدر نزور اى مكان احنا عاوزينه بسهوله ودا هيساعدنا اننا نبتعد عن فكره تاجير عربيه خاصه او استخدام التاكسى لانه هيزود تكلفه الرحله وممكن يعرضك لاى مشكله تضيع عليك استمتاعك بالرحله
• من الافضل اننا نعمل حسابنا قبل ما نمشى فى تقسيم المبلغ اللى هنحتاجه للرحله بمعنى اننا ممكن نخلى معانا مبلغ كاش وباقى المبلغ نخليه كريديت كارد بحث اننا لو فقدنا لاقدر الله حاجه منهم يكون فى مبلغ احطياطى معانا
• من الافضل واحنا بنحدد البلد اللى هنزوها نشوف معاها ايه المدن السياحيه والمعالم المهمه فى البلد وقد ايه الوقت اللى هتستغرقه فى انك تزور الاماكن دى بحيث اننا منقضيش الرحله كلها فى مدينه واحده تاخد مننا الوقت كله لا نتجول فى اكتر من مدينه ونشوف معالم اكثر ونستمتع بالرحله اكتر
•   لازم نعمل حسابنا فى اللبس اللى معانا يكون مناسب لجو البلد الى هنزوها ودا لان اغلب بلدان العالم الجو فيها متقلب على مدار اليوم
• لازم نحافط على الباسبور بتاعنا اهم حاجه فى الرحله
• اعمل حسابك انك تكون فى المطار قبل معاد رحتلك بوقتك كافى تحسبا لاى مشكله  لاقدر الله تعطلك عن ميعاد الطيران
• الحمد لله الامور مشيت تمام وسافرنا نيجى بقا لو هنتناول وجبه فى اى مطعم لازم نسال على الوجبات ونتاكد انها تتناسب مع معتقداتنا الدينيه
• دايما خلى اى هدايا هتشتريها تشتريها بعد ما تخلص رحلتك وانت خلاص فى اخر مطار و راجع بلدك بحيث انك لو هتتنقل بين اكتر من مدينه او اكتر من دوله مايبقاش فى مبالغ كبيره تدفعها عليها