نصائح عامة للاستمتاع بالسفر

فيه ناس كتير بتعيش فى جو مليان توتر اثناء رحلتها زى لازم نلحق نشوف كل معالم المكان .. مينفعش ننام مافيش وقت للنوم.. ده انا ورايا شغل كتير اوى لما ارجع من الاجازة ديه..وغيره من جو التوتر

فى موضوعنا ده هنحاول نقولك على شوية نصائح علشان تعرف تستمتع بأجازتك ورحلتك

اولا: افتكر ان سفرك ده اجااازة من كل حاجة يعنى متحاولش تفكر كتير وراك ايه اما ترجع ومش لازم ابدا تعمل برنامج مليان جدا ومضغوط ..بالعكس استرخى وعيش وقتك بهدوء ونام كويس

ثانيا: مش شرط ان يومك لازم يبدا من بدرى اوى اصحى براحتك افطر واشرب القهوة وابدا شوف هتعمل ايه فى يومك ده لو مش مخططله من قبلها

ثالثا: مش لازم تبقى عازل نفسك عن الناس من حواليك بالعكس ممكن تتكلم مع اهل المكان الى انت مسافرله وتسالهم ايه افضل الاماكن اللى ممكن تزورها فى المكان ..الناس ديه بتبقى مهيئة للنوع ده من الاسئلة لان اكيد فى غيرك بيسألهم

رابعا:استريح فى نص اليوم متفضلش من ساعة ماصحيت لحد ماتنام بره.. ارجع للفندق استريح علشان تقدر تخرج بليل وتشوف اماكن اكتر

خامسا: حدد الاماكن اللى حابب تزورها واسأل عنها قبلها لو محتاجة حجز او تذاكر معينة علشان متتعطلش

سادسا: حط على موبايلك تطبيقات فيها موقع للفندق والاماكن القريبه منه والاتجاهات بتاعتها علشان يكون سهل عليك الوصول ليها