شطاف السفر المتنقل

بعد عدة تجارب مريرة فى موضوع شطاف السفر المتنقل ، الي حضراتكم الحل البسيط والسهل والرخيص طيب الحل بيتلخص فى الاتي :-

اولا : حنشتري شطاف ( لاي ) من اى سباك فى اى حتة جنبك زي الشطاف ده

ثانيا : فى طريقيتين لتركيب الشطاف ده :-

الطريقة الاولي : اننا نوصلة بخرطوم الدش ازاااي ؟؟ 

1- حنفك سماعة الدش 

2- حنجيب الوصلة دى من السباك  

3- حنوصل خرطوم الدش بالوصلة دى مع الشطاف وكدة نكون ركبنا الشطاف زي الفل بدون اى اختراعات ، 

مشكلة الفكرة دى ان لازم ان البانيو او خرطوم الدش قريب من التواليت ، طب لو خرطوم الدش بعيد عن التواليت ايه الحل ؟؟

الطريقة التانية : 

توصيل الشطاف فى حنفية المية ،، نفس الفكرة حنفك المصفي بتاعت الحنفية المية ونركب الشطاف فى حنفية المية زي الصورة دى بالظبط 

الميزة فى الفكرتين انهم مش محتاجين جهد او وقت نهائي ، كمان الميزة الاهم هى انك مبتلعبش فى سباكة الفندق او الشقة اللي انت نازل فيها ، ودى نصيحة مني اوعي تحط نفسك فى مخاطرة انك تلعب فى سباكة الفندق او الشقة اللى حتنزل فيها فى اى مكان فى العالم .

اتمني تقريري يكون عجب حضراتكم