التخطيط  لشهر العسل

شهر العسل بيتعبر من اكتر الرحلات اللى ممكن تروحها فى حياتك وتفضل فاكر كل حاجه حصلت فيها وذكرياتها هتفضل معلقه معاك مهما عدى عليها الوقت والعمروعشان كدا لازم نخطط صح لرحله العمر بحيث اننا منضيعش وقت ولا مجهود وفى الاخر هنكون النتيجه انك ماتستمتعش بالرحله

زى ايه مثلا الامور اللى هنحطها فى اعتبارنا واحنا بنخطط لرحله شهر العسل

• التخطيط المبكر للرحله بمعنى اننا نبدء قبل الوقت اللى احنا محددينه هنسافر فيه بشهر كحد ادنى نحدد المكان اللى احنا عاوزين نسافره ودا طبعا بيكون حسب اهتمامتنا
• لو محتار بين اكتر من مكان ممكن تستعين ببعض شركات السياحه اللى عامله عروض لشهر العسل ونعرف تفاصيل البرنامج ومدته وهل تتناسب معاك ولا لاء
• حاول دايما تختار المواسم المنخفضه لشهر العسل بمعنى انك تحاول تختار السفر فى وقت مفيهوش موسم للبلد اللى انت ريحها ودا هساعدك جدا فى تقليل تكلفه الرحله
• بعد ما تحدد البلد اللى هتزوها ابدء ابحث عن كل ما يخص البلد من شبكه مواصلات ومعالم سياحيه وافضل الفنادق واسعار رحلات الطيران
• لو مسافر وانت اللى هتحجز كل حاجه بنفسك بعيدا عن شركات السياحه وعروضها لازم تكون منظم فى رحلتك عشان ماتضيعش وقتك على الفاضى بمعنى لازم تكون عارف هتوصل امته وهتقعد قد ايه والمدن اللى هتنتقل فيها من مكان لمكان احسب وقتك صح عشان تعرف تستمتع بكل لحظه فى رحلتك