اسباب رفض فيزا كندا السياحيه وكيفيه استخراجها

كتير من الناس بتتكلم ان اغلب تاشيرات السفر السياحيه لكندا تترفض واحيانا اصحابها مابيعرفوش سبب الرفض احنا هنا هنحاول نسردلكم اهم الاسباب التى تؤدى الى رفض فيزا كندا ومش بس تاشيره كندا لا اغلب تاشيرات العالم

• الشك فى غرض السفر بمعنى انك لو بتقدم على الفيزا على انها فيزا سياحيه وموظف السفاره شك ان غرضك هو البقاء فى كندا هيتم رفض الفيزا 

• الجرائم الجنائيه ودا مش بس خاص بفيزا كندا دا شرط اساسى لاغلب تاشيرات العالم بمعنى ان لازم وانت بتقدم على الفيزا بتقدم فيش جنائى يشترط ان يكون خالى من اى جرائم سابقه  

• الحساب البنكى الضعيف ودا يعتبر من اكتر المشاكل اللى بتواجه اشخاص كتير ودا لان اغلب الناس بتعتقد ان الحساب البنكى لازم يكون فيه مبلغ يكفى تكلفه السفر ومده الاقامه هناك ودا طبعا شئ اساسى لكن اغلب السفارات بتفضل ان الحساب يكون جارى بشكل كبير وليس مجرد حساب متجمد 

• الامراض الساريه او المعديه بمعنى انك لازم تجتاز الاختبار الطبى للسفاره وان فى حاله ظهور اى مرض معدى او خطير هيتم رفض الفيزا 

ودلوقتى هنقول ايه هى اهم الاوراق اللى تساعدها فى استخراج الفيزا الكنديه والموافقه عليها :-

• فى طريقين للتقديم ممكن تقدم عن طريق الانترنت ودا بيكون عن طريق تجميع كافه اوراقك كلها Pdf وارسالها على موقع السفاره او عن طريق مركز تاشيرات المعتمد وفى كلا الحالتين الاوراق بيتم مراجعتها من قبل موظف السفاره
• الابلكيشن الخاصه بطلب الفيزا ودى ممكن تجبها من موقع كندا وتملها pdf
• نسخه معلومات pdf عن العيله وافرادها
• صورتين شخصيتين حديثه
• صوره الباسبور الحالى وجميع التاشيرات السابقه
• حاله الحساب البنكى مفصله