تجربتي مع مطار هان فرانكفورت hahn frankfurt airport 

اثناء رحلتي الي المانيا وجدت تذكرة رخيصة جدا على ريان اير Ryanair الايرلندي وجدت سعر التذكرة 35 يورو ، صراحة مصدقتش السعر روح حاجز فورا من روما الي فرانكفورت لكني المطار اللى حنزل فيه هو مطار هان فى فرانكفورت ، انا بس عاوز اقول لحضراتكم معلومة طريفة ان كلمة هان ترجمتها بالعربي فرخة او ديك ، وانت داخل المطار حتلاقي صورة ديك كبيرة مرسومة عليه صراحة معرفش اية سبب التسمية ، المهم اللى عاوز اقولة انوا مطار صغير جدا وبينزل عليه معظم الطيارات الاقتصادي ، المطار يبعد عن محطة قطارات فرانفكورت 124 كيلو متر ، لكن احلي حاجه فى المطار هو انو فيه محطة اتوبيس للانتقال من مطار هان فرانكفورت الي وسط مدينة فرانكفورت كل 30 دقيقة تقريبا وده حوضحة فى تقرير تاني انشاء الله 

معلومات لازم تعرفوها : 

- مطار هان يبعد عن مدينة فرانكفورت 124 كيلتومتر 

- يوجد اتوبيس يتحرك كل نص ساعة من مطار هان الي وسط مدينة فرانكفورت 

- مدينة Mainz الالمانية الجميلة تبعد عن مطار Hahn تقريبا 48 كيلومتر فانت لو رايح المدينة دى الافضل انك تنزل فى مطار هان فرانكفورت وتاخد الباص اللي حينزلك فى المدينة دى 

- سعر التاكسي من مطار هان فرانكفورت الي مدينة فرانكفورت مش حيقل عن 250 يورو فلذا ينصح باخذ الباص لانوا نضيف وجميل ومريح 

-الباص اللي بيتحرك من مطار هان hahn فرانكفورت الي محطة القطار الرئيسية فى فرانكفورت بياخد تقريبا ساعتين بالظبط