اهم الاماكن السياحية في ميلانو في ايطاليا

مدينة عريقة و قديمة جدا وشوارعها والطرق والمواصلات تحسسك انك في عصر الخمسينات

مدينة جميلة بس مش كبيرة اوى

الشعب الايطالي من الذ الشعوب اللي ممكن تشوفها وقريبه جدا من الشعب المصري في خفة الدم والهزار وده يخلى الواحد متحمس انه يروحها

تعتبر ميلانو من اكبر مراكز التسوق والسياحة مش بس فى ايطاليا ده فى اوروبا كلها وبمجرد وصولك ليها هتحس ان ليها سحر خاص

بالنسبة للمواصلات ميلانو فيها مترو وترام واتوبيسات وكمان ممكن تأجر عربيات او موتسيكلات

نيجى بقى للاماكن اللى ممكن تزورها هناك

ساحة دومو: من اشهر الاماكن السياحية في ميلان وتعتبر وجهة رئيسية لسياح المدينة وده لان فيها كاتدرائية دومو واحدة من اكبر الكاتدرائيات في العالم بالاضافة لوجود عدد كبير من المطاعم والمقاهي

كاتدرائية ميلانو: ثالث اكبر كاتدرائية في اوروبا ومن اشهر معالم السياحة في ميلان ، وفيها كثير من الرسومات واللوحات لكبار الفنانين. تعتبر كاتدرائية ميلانو من المواقع الاثرية السياحية وده لانها بتجسد الحضارة والفنون الاوروبية في كل زاوية وتفصيل من تفاصيلها

مركز تسوق غاليريا فيتوريو ايمانويل الثانى: وده من اجمل وارقى المبانى فى العالم اتبنى فى القرن  18 وفيه كثير من المتاجر الشهيرة والراقية لأشهر الماركات العالمية

قوس السلام: او قوس النصر وده عبارة عن بوابة ضخمة على شكل قوس وبيرجع للقرن 19 وموجود فى مركز المدينة وبيحيط بيه اهم شوارع ميلانو

اكواريوم سيفيكو دي ميلان:  يضم اكثر من 100 نوع مختلف من الاحياء البحرية متوزعة فى احواض كبيرة، وفيه مكتبة للعلوم البحرية مفتوحة للزوار

قلعة سفورزيسكو: وديه قلعة تاريخية ترجع للقرن 15 واتبنت بأمر من دوق ميلانو، تعتبر من اهم الاماكن السياحية فى ميلانو ومن اكبر قلاع اوروبا وفيها كثير من المتاحف ومجموعة كبيرة من المعروضات الفنية القديمة والحديثة لاشهر فنانين ايطاليا والعالم

مسرح لا سكالا: من اشهر دور الاوبرا في العالم ويقام فيه حفلات لاكبر المطربين العالميين

متحف ليوناردو دافنشى: من اهم متاحف مدينة ميلان ويضم كثير من القطع الاثرية واللوحات الفنية والاعمال الهندسية للفنان المشهور ليوناردو دافنشي ويعتبر من اهم المعالم السياحية فى ميلان

وافضل الفنادق فى ميلانو

فندق تاون هاوس جاليريا: موجود فى قلب المدينة وقريب من محطة مترو دومو

فندق بوسكولو ميلانو: موجود فى قلب ميلانو وقريب من شارع التسوق( يعنى كام دقيقة مشى) وقريب من محطة مترو سان بابيلا

فندق رووم ميت جوليا: قريب جدا من كاتدرائية ميلان ومحطة مترو دومو

فندق قصر اونا ميلانو: من افضل الفنادق للعائلات وقريب من الكاتدرائية ومحطة مترو دومو وجنبه مطاعم ومحلات تجارية كثير

فندق لا مادونينا: موقعه مميز جدا فى مركز مدينة ميلان بس الشارع مزعج شوية وعلى بعد خطوات من الكتدرائية ومحطة مترو دومو

فندق غران دوكا دى يورك:من الفنادق المميزه فى ميلان وقريب من الكاتدرائية ومحطة مترو دومو