اهم الاماكن السياحية فى امستردام

 مدينة الطاقة الايجابية او مدينة الدراجات  او مدينة الورد كما يطلق عليها البعض

امستردام ليها طابع خاص بيها غير باقى المدن فى اوروبا ومدينة نشطه طول الوقت وكلها حركة 

مدينة تنفع لو الواحد عايز يسافر لوحده او مع العائلة او حتى يعمل شهر عسل

وكمان امستردام فيها شبكة مواصلات قوية زى الترام والاتوبيسات ده غير انك ممكن تأجر عجلة وتلف بيها في شوارعها

امسترادم فيها العديد من المتاحف والمسارح واماكن الترفيه وتشتهر بمنازلها التاريخية

ومن اكثر الاماكن شهرة وزيارة فى امستردام

دام سكوير: الميدان الرئيسى فى امستردام وكل شوارعها تؤدى اليه وتنتشر فيها المطاعم والمقاهى وتضم القصر الملكى وفيها مراكب سياحية صغيرة تقدر من خلالها تشوف المدينة، ومعظم المعالم السياحية فى امستردام قريبة منه

حى جوردان: من اشهر احياء ومناطق السياحة في امستردام ويعتبر من المناطق الراقية في هولندا ويقع فى وسط المدينة ويضم بيوت قديمة ومطاعم ومقاهى والمحلات التجارية والقنوات المائية

متحف مدام توسو امستردام: من اشهر متاحف الشمع فى العالم يضم تماثيل ومجسمات لاشهر الشخصيات العالمية فى كل المجالات

  المتحف البحرى :بيعرض تاريخ الملاحة البحرية الهولندية فى بحر الشمال 

متحف فان جوخ: واحد من اهم المعارض الفنية فى العالم يضم أكبر مجموعة في العالم من لوحات فان جوخ منهم أكثر من 200 لوحة و500 من الرسومات ومجوعة من اعمال معاصريه

مدينة الاقزام:وديه نموذج مصغر ومطابق لكل حاجة فى هولندا